Fananan-tany : Tokony ho amidy amin’ny vahiny ve ny tanindrazana ?

Olana matetika mampivezivezy eny amin’ny tribonaly ny resaka fananan-tany, ary tena mampiady sy mampisara-bazana mihitsy izany. Tany tan-dalàna anefa i Madagasikara ka tsy maintsy nandray ny andraikitra ny avy eo amin’ny Ministeran’ny fananan-tany ka hizara kara-tany miisa 1 350 000 ao anatin’ny roa taona.

« Betsaka ny hosoka mikasika ny tany ka tsara raha mazava tsara izany mba ahafahan’ny fanjakana miaro antsika » hoy ny Minisitry ny fanajariana ny tany, Andrianainaharivelo Hajo. « Ny Malagasy kely rehefa miady tany dia atao mahita mihitsy, kanefa ny tany omena ny vazaha fotisny tahaka ilay any Toamasina II amin’izao, izay tena mampitaraina ny vahoaka mihitsy » hoy i Lanto, mpianatra ao amin’ny FDSP Ankatso.

« Raha ny lalàna dia tsy tokony hahazo tany eto Madagasikara ny vahiny kanefa ao ireo gasy minia mivarotra izany noho ireo vahiny sahy lafo be » hoy i Frederic, mpahay lalàna. Maro ihany koa anefa ireo mpisandoka, izay efa hita tsikelikely amin’izao fotoana izao, ary mila ny fiaraha-miasa amintsika vahoaka hatrany amin’ny fisamborana azy ireny. Tsy tokony ho amidy amin’ny vahiny ny tanindrazana satria tanintsika ity, ary isika Malagasy ihany no tokony ho tompony.

Nicole Rafalimananjara