Avaradrano : Misy sarany ny parking ao Ankadikely Ilafy

Hisy sarany ny fametrahana fiara na kodiaran-droa ao amin’ny kaominina Ankadikely Ilafy anomboka androany. « Hisy sarany ny famatrahana fiara na moto amin’ny toeram-piantsonana eto amin’ny kaominina Ankadikely Ilafy. Ny fiara dia 500 ar isan’ora raha toa ka 200 ar kosa ny an’ny kodiaran-droa. Misaotra antsika sahady amin’ny fanarahana ny fandaminana » hoy ny avy ao amin’ny Kaominina Ankadikely Ilafy.

« Ho antsika eto amin’ny Kaominina ihany ny vola azo amin’izany. Ho entina am-pandrosoana ny tanànantsika » hoy i Toky, mponina ao Ankadikely Ilafy. Fananana iombonana ireny parking ireny. Asian’ny mponina lanja kokoa izy raha misy sarany. Irariana mba hitondra famapandrosoana ho an’ny kaominina hatrany ny toy izao.  

Nicole Rafalimananjara