Japon : Horohoron-tany goavana nahafaty olona efatra
Olona efatra no maty, ary olona an-jatony no naratra nandritra ny horohoron-tany nanana hamafy 7,4 amin’ny mari-drefin’i Richter niseho tao atsinanan’i Japon ny alarobia alina teo. Niteraka fampitandrena tondra-drano na « tsunami » tao amin’ny morontsiraka avaratra-atsinanan’ny firenena izany ny alakamisy maraina teo.Nandrava trano maro io horohoron-tany, nahavita nampiala fiaran-dalamby tamin’ny lalany (dérailler), natriatra lalana ary nanongana entam-barotra. Ny departemantan’i Fukushima sy Miyagi no tena voakasik’io loza io.Nilaza kosa ny masoivoho misahana ny toetry ny andro ao Japon fa ivon-toeran’ilay horohorontany nitranga ny alarobia teo tamin’ny 11 ora 36 minitra alina tao an-toerana (5 ora sy 36 minitra hariva eto Madagasikara) dia tany amin’ny 60 km ny halalin’ny ranomasina Pacifique. Niantso ny mponina tamin’ny morontsiraka niala ny toerana kosa izy ireo.
