Masindray : Namboarina ny lalana
Mizotra ny fanamboaran-dalana eny Masindray amin’izao fotoana izao, izay sahanin’ny faritra Analamanga. Efa ela no nitaraina ny vahoaka nanoloana ny faharatsian’ity lalana ity, ary izao vao natomboka ny tetik’asa.
« Kaominina ambanivohitra i Masindray, ary tena mankasitraka ny tompon’anadraikitra satria na dia toerana lavitra andriana aza dia tsy natao ambanin-javatra amin’ny resaka fampandrosoana » hoy i Mamivola, mponina any an-toerana. « Tsy mifidy na lavitra andriana ny fampandrosoana, i Madagasikara mandroso no tanjona ary ny tontolo ambanivohitra tahaka izao mihitsy aza no tena mila fampandrosoana voalohany indrindra » hoy ny governoran’ny faritra Analamanga, Rasoamaromaka Hery.
« Raha ny lalana no ratsy dia tsy ho tonga ny fandrosoana ao anatin’ny toerana iray ka io no tena tokony ho laharam-pahamahana ataon’ny fitondrana » hoy i Jerry, mpahay toe-karena. Zava-dehibe ary tena mahavelom-bolo ny mponina any Masindray izao fotodrafitr’asa izao satria tena nampijaly ny mponina tokoa ity lalana ity. Azo antoka tokoa ny fandrosoana raha tsara ny lalana.
Nicole Rafalimananjara
