Fanokafana ny CTC-19 Taolagnaro

Mitohy hatrany ny ezaka ataon’ny fitondram-panjakana amin’ny fitsaboana sy fandraisana an-tanana ireo marary voan’ny covid-19. Any amin’ny faritra Tolaganaro ny Filoha Andry Rajoelina androany 06 May 2021 ary manatanteraka ny fanokafana amin’ny fomba ofisialy ny CTC-19 Tolagnaro. Nahazo fitaovana harifomba mifanaraka amin’ny fitsaboana ireo marary any amin’ny faritra Anosy sy Androy amin’ity toeram-pitsaboana vaovao ity. « Concentrateurs d’oxygènes » miisa 50 sy « bouteilles d’oxygène » maromaro ary fitaovana maro hafa no miasa amin’ity ivon-toeram-pitsaboana mararin’ny Covid-19 ity. Efa amam-polony ireo manaraka fitsaboana ato amin’ity CTC-19 ity amin’izao araka ny nambaran’ny Filoha izay any an-toerana. Nampahatsiahiviny ihany koa fa maimaim-poana avokoa ireo fanafody fitsaboana ho an’ireo voan’ny covid-19. Tsy natao ambaka ny CTC hafa fa handray tambin-karama ireo mpitsabo mandray an-tanana ireo tsy salama. Hahazo « Tohan’aina » avy amin’ny fitondram-panjakana kosa ireo marary mba ho fanohanana azy ireo. Anatin’ny ady amin’ny valan’aretina iombonana hatrany isika izao ary mba hanamorana ny fitsaboana ny fisian’itony CTC itony. 

Ally Herisoananahary