Talata Volonondry: Fandaharam-potoana lalao baolina kitra faran’ny herinandro
Mitohy ny lalao baolina kitra ao amin’ny kaominina Talata Volonondry. Misy ny tournoi foot à 11 karakarain’ny kaominina amin’ity faran’ny herinandro ity. Toy izao manaraka izao ny fandaharam-potoana amin’izany.
« Ny andron’ny alahady manomboka amin’ny 11ora ny lalao hifanatrehan’ny ekipa Banesta Miray sy ny FC Avaratsena. Aorian’izay, amin’ny 12ora sy sasany, ny Zamita Talata Volonondry hifandona amin’ny TMFT I Talata Volonondry » hoy ireo mpikarakara.
« Hitohy amin’ny 2ora sy sasany indray ny lalao, hifandona amin’izany ny OM Talata Volonondry sy ny FC Mamoriarivo. Hafana io fotoana io ary hiady ny lalao. Hanentanana ny mpitia baolina rehetra ho avy hanomana ny ekipa tsirairay » hoy hatrany ny fanazavana.
Marihina moa fa ny kaominina no mikarakara ity lalao ity. Omby lehibe iray no amboaran’ny mpandresy ao anatin’izany.
