Ankadikely Ilafy: Nametrahana jiro mandeha amin’ny herin’ny masoandro ihany koa ny tao Andafiavaratra

Tonga ao amin’ny fokontany Andafiavaratra ny hazavana amin’izao fotoana. Nametrahana jiro mandeha amin’ny herin’ny masoandro tao an-toerana, tamin’ity herinandro ity.

« Hisaorana feno ny kaominina amin’ny ezaka sy ny adisisika ka nahazoan’ny mponina izao hazavana izao. Tsy hiaina anaty haizina intsony ny mponina  » hoy ireo tomponandraikiry ny fokontany.

« Tena nanova ny tanàna ny fisan’ireo jiro manazava ny tanàna. Hita taratra avy hatrany ny fahasamihafana ao anatin’izany. Teo aloha dia maizina ary nampitaintaina ny resaka tsy fandriam-pahalemana, indrindra ny mpanararaotra amin’ny andro maizina » hoy i Rolland, mponina ao Andafiavaratra.

Ilain’ny mponina ny hazavana ary manan-jo hisitraka izany ny isam-pokontany. Anisan’ny manao ezaka amin’izany ny kaominina Ankadikely Ilafy. Enti-miady amin’ny tsy fandriam-pahalemana ihany koa izy ireny.