France : Lehilahy iray maty vokatry ny tifitra nahazo azy

Lehilahy iray manodidina ny roaplo taona eo no maty voan’ny bala, tao an-tapom-tanànan’i Marseille, ny alain’ny alahady ifoha alatsinainy. manodidina ny tamin’ny 1ora maraina tany an-toerana, tonga tao amin’ny lalan’i Joliette, boriborin-tany faharoa any an-toerana ireo mpitandro filaminana. Tamin’ny fotoana nahatongavan’izy ireo anefa, dia ny vatana mangatsikan’ity lehilahy ity sisa no hita, izay nahita diam-bala maherin’ny folo, tamin’ny fitaovam-piadiana, sokajiana ho petits sy gros calibres irony na kalachnikov. Raha ny angom-baovao nataon’ireo tomponandraikitra moa, dia olona efatra no hita nandositra taorian’ny nisehoan’ny tranga ary avy eo hita nirehitra tany amin’ny borboritany fahaefatra ny fiara nandosiran’izy ireo, raha ny voalaza hatrany.