Talata Volonondry : Notolorana dabilio sy kapa ireo mpianatra tao amin’ny EPP Ambositra
Tonga nanolotra fanomezana ho an’ny mpianatra tao amin’ny EPP Ambositra, ny tomponandraikitra avy amin’ny kaominina Talata Volonondry. Dabilio sy kapa ho an’ireo mpianatra no natolotra nandritra izany.
« ao anatin’ny ezaka ataon’ny kaominina ny fanohana sy fanampiana ireo mpianatra eny amin’ny ambaratonga fototra. Noho izany indrindra no nanolorana azy ireo ny dabilio miisa folo sy kapa ho an’ny mpianatra tsirairay. Ankoatra izay dia nisy ihany koa ny fanomezana jiro mandeha amin’ny herin’ny masoandro ho an’ny mponina » hoy ny ben’ny tanàna ao an-toerana.
« Mila fanohana sy fanampiana hatrany ny fampianarana, indrindra ny ety amin’ny tontolo ambanivohitra. Ny fandraisana an-tanana ny mpianatra dia anisan’ny fanoitra lehibe amin’ny fanomanana ny ho avin’izy ireo mba ho olon’ny tanindrazany » hoy i Harena, mpianatra momba ny hai-fiaraha-monina.
Faly ireo mponina, faly ihany koa ireo mpianatra nandray izao fanomezana izao. Ny fanohanana ny sekoly dia anisan’ny laharam-pahamehana ho an’ny kaominina Talata Volonondry.
