Taiwan : Fiaramanidin’ny tafika telopolo mahery hita tao fari-dranomasina tao anatin’ny 24ora
Miisa 36 ireo fiaramanidin’ny tafika sinoa, hita tao amin’ny fari-dranomasin’i Taiwan, tao anatin’ny 24 ora, raha ny nambaran’ny ministry ny fiarovam-pirenena ao Taiwan. Fampisehoana tanjaka ara-tafika nataon’i Chine, ho setrin’ny fitsidihana ataon’ny manampahefana Taiwaney tany Europe izany. i Taiwan dia anisan’ny nosy mizaka-tena, izay mbola takian’ny renivohitr’i Chine ho anisan’ny faritaniny, ary tiany ho alaina tokoa na atao an-keriny aza izany. Hanamarihana ny fandalovan’ny manam-pahefana Taiwaney tany Europe, ny faran’ny herinandro teo, dia nandefa ireo fiaramanidin’ny tafika miisa 36 sy ireo sambon’ady manodidina ity nosy ity i Chine, tao anatin’ny 24ora. Ity no fampisehoana goavana indrindra nataon’i Chine, araka ny fanazavana hatrany.
