Maurice : Afaka mandeha amin’ny firenena miisa 146 tsy misy Visa ny mponina

Nanao fifanarahana tamin’ny firenena maro i Maurice ka efa afaka mifamezivezy amin’ny firenena miisa 146 tsy misy Visa ny mponina ao aminy. Ahafahan’ny nosy mitana ny laharany ao amin’ny « Henley Passport Index » izany.

Ny « Henley Passport Index » moa dia famantarana ny isan’ny firenena afaka alehan’ny olona avy amin’ny firenena iray tsy mila Visa.
Eo amin’ny laharana faha 33 amin’izany i Maurice. I Japon kosa no laharana voalohany ao amin’io lisitra io izay afaka miazo firenena 193 tsy misy Visa, Singapour sy Corée du Sud no manaraka azy amin’ny firenena 192.