Mahajanga: nifampisisihana ny fakanesana teny Katsepy

Toy ny mahazatra rehefa vanim-potoanan’ny fialan-tsasatra tahaka izao dia anisany be mpitsidika sy be mpisafidy i Mahajanga. Tamin’ity taona ity dia nifanindry an-dalana tamin’ny fialan-tsasatra ny  fitokanana ny seranan-tsambo vaovao ao an-toerana. Ny faran’ny herinadro lasa teo no natao ny fitokanana ka natao maimaim-poana ny fitanterana amin’ny baka makany Katsepy. Noho ity tolotra ity dia nifanitra-kitro ireo olona   teny amin’ny seranan-tsambo andeha  baka ho eny Katsepy .

“ Manararaotra kely ny fandalovana eto Mahajanga dia hitondra ny ankizy ho eny Katsepy. Nisafidy ny andro anio ihany koa satria amin’izao no tsy andoavam-bola  ny fitanterana amin’ny baka.  ka manena ny fandaniana.” Hoy i Suzanne renim-pianakaviana mpiala sasatra.

“ Vita soa aman-tsara ny seranan-tsambo vaovao eto Mahajanga mihazo an’i Katsepy. Ho fanomezana fahafaham-po antsika rehetra dia natao maimaim-poana aloha ny fitanterana ireo izay maniry  ny ho eny Katsepy amin’izao. Mahavelom-bolo ihany koa ny fahitana ireo olona tonga maro be satria tsapa fa mahaliana azy ireo ny fitsidihana iny toerana iny.” Hoy ny tompon’andraikitry ny seranana.

Fotom-pialan-tsasatra tokoa ny eto Madagasikara amin’izao fotoana izao. noho izany dia samy mamonjy izay toerana hanatanterahana ny  fialan-tsasatra avokoa ny  isam-pianakaviana araka ny fahefana eo am-pelan-tanana. Raha eto Madagasikara dia maro ireo toerana tsara  tsidihana fa amin’ny akapobeny dia misafidy ny moron-tsiraka ny akamaroan’ireo mpiala sasatra indrindra ny avy eto ampovvoan-tany.

Miranto Andriharisoa