SSMAF: Mbola mitohy hatrany ny fisoratana anarana amin’ny Concours photo

Ao anatin’ny tanteraka ny hetsika SSMAF, izya karakarain’ny BTC Ambohimangakely, amin’izao fotoana izao. Tsy mbola tara ireo izay maniry handray anjara amin’ireo fifaninana fa mbola azo atao tsara ny manoratra anarana.

“Nanomboka tamin’ny  alatsinainy teo ny fifaninana (concours photo) izay ao anatin’ny sokajy Art et festival ato anatin’ny hetsika SSMAF. Mbola mitohy ary misy hatrany ny fandraisana ireo mpandray anjara ao anatin’izany ary afaka manoratra anarana ao amin’ny lien” hoy i Hasina, tomponandraikitra ao amin’ny BTC.

“Fotoana iray mila hanararaotan’ny tanora, tsy voatery ho manatalenta vao handray anjara amin’ny SSMAF, ny fifaninana rehetra mandritra ny hetsika. Afaka atao tsara ny manomboka ary mikaroka izany talenta izany ka amin’izao hetsika izao no tokony hanapa-kevitra” hoy i Rado, mpanao poezia.

Mbola hatramin’ny volana aogositra no misy ny fifaninana, concours photo, ity. Ampatsiahivina hatrany fa sary maneho ny kolontsaina Malagasy no alaina sary ao anatin’izany ary alefa ao amin’ny pejy facebook BTC, arahana ny teny #BTC, #BTC_Ambohimangakely sy/na #festival_ssmaf.

Indro ny lien ahafahana manoratra anarana amin’izany.

Manitra R.