Alasora : Nahazo jiro ny fokontany Miadana

Tontosa tamin’ny 16 may ny fametrahana jiro hanazava ny tanàna ao amin’ny fokontany Miadana. Napetraka teo amin’ny lalana mandala eo amin’ny Orthodoxe sy Méga-Print mihazo eny Alatsinainy.

« Tontosa ny fametrahana ny jiro teto amin’ny Orthodoxe sy Méga-Print mihazo eny Alatsinainy. Miandry fametrahana andrinjiro kosa ny fanitarana izany makany Alatsinainy sy Antanety » hoy ny avy ao amin’ny kaominina Alasora. « Mitohy hatrany ity tetik’asa ho amin’ny ady amin’ny tsy fandriam-pahalemana ity. Samy hahazo ny anjarany avokoa ireo Fokontany ary efa miroso tsikelikely amin’izany isika » hoy ny tompon’andraikitra.

Manampy betsaka ny mponina tokoa ny fanazavana ny tanàna tahaka izao. Rehefa maizina mantsy dia manjaka ny ratsy ary tsy mandry fahalemana ny mponina.

Nicole Rafalimananjara