Anosy Avaratra : Niara-nilalao baolina kitra ny kaominina sy ny Cisco Avaradrano
Notontosaina ny 6 may lasa teo ny lalao ara-pirahalahiana teo amin’ny kaominina Anosy Avaratra sy ny Cisco Avaradrano.
Nandresy 3 noho 1 ny kaominina Anosy Avaratra nanoloana ny avy ao amin’ny Cisco Avaradrano. « Nahafinaritra tokoa ny lalao nentina nanamafisana ny fifankahalalana sy ny firahalahiana eo amin’ny roa tonta. Hirariana hitohy hatrany ny fifankatiavana hisian’ny fandrosoana » hoy ny ben’ny tanàna ao Anosy Avaratra, Razafimahefa Luc. « Tena niady ny lalao. Nihamafy ny fihavanana teo amin’izy ireo no afaka nankafy ihany koa izahay mponina » hoy i Albert, mponina ao Anosy Avaratra.
Adin’ombalahin’ny mpianakavy tokoa, ny maharesy tsy hobiana, ary ny resy tsy hakoraina. Mitohy ny hatrany ny hetsika ho fanamafisana ny fihavanana ao Avaradrano.
Nicole Rafalimananjara
