Alasora : Misy ny fahatapahan-dalana eny amin’ny fokontany Amboaroy
Manatanteraka fanamboaran-dalana rarivato ao amin’ny fokontany Amboaroy ny kaominina Alasora amin’izao fotoana izao. Misy ny fahatapahan-dalana noho izany nanomboka ny 9 may hatramin’ny 11 jolay ho avy izao.
« Ilazana isika mpampiasa lalana rehetra mba hanaraka hatrany ny fahandaminana ho tombontsoan’ny besinimaro. Ialàna tsiny amin’ny fanelingelenana fa ho fampandrosoana ny tanàna foana izany » hoy ny avy ao amin’ny kaominina. « Tena betsaka tokao ny mampiasa ity lalana ity. Tsy vitsy ireo mitaraina noho ny haratsiny. Isaorana ny tompon’andraikitra mijery akaiky hatrany izay mahasoa ny vahoaka ety ifotony » hoy ny lehiben’ny fokontany ao Amboaroy.
Lalana mirefy 240 metatra sy 3,50 metatra ity amboarina ity. Hirariana hitohy hatrany ny asa ho an’ny vahoaka toy izany.
Diamondra Randriantsiferana
