Bemasoandro Arivonimamo : Hena kisoa halatra tratran’ny zandary
21 Martsa, 09h30. Hena-kisoa halatra no tratran’ny zandary tao Bemasoandro Arivonimamo omaly tamin’ny 4 ora maraina teo. Nahatsikaritra fiara mpitatitra nitondra entana tsy dia nazavazava tamin’ny gony izy ireo zandary nanao fisavana ny entana.
Nisy telo lahy nivoaka ny fiara nilaza nandeha nivalan-drano nandritra izany kanjo nitsoaka izy ireo. Rehefa nojerena ny tao anatin’ilay gony dia nahitana hena kisoa halatra izay nitapaka roa avokoa. Tsy nisy tratra kosa ireo olona nangalatra ireo.