Fandriam-pahalemana : Niampy 5 indray ny Polisy kaominaly ao Alasora

Nitombo indray ny polisy kaominaly ao Alasora. Mitohy hatrany ezaka ho amin’ny filaminana sy ny fandriam-pahalemana eto Avaradrano.

« Miisa enina ireo polisy kaominaly vaovao voaray taorian’ny fanadinana fifaninanana. Sady manampy ny mponina hanana asa ity no hanamafisana ny ady amin’ny tsy fandriam-pahalemana eto amin’ny Kaominina » hoy ny avy ao amin’ny Kaominina Alasora. « Tena mety tokoa ny tahaka izao. Mila Polisy tokoa ny tanàna hiaro ny vahoaka sy ny fananany. Tsara raha mandroso amin’ny fandrosoana maharitra hatrany isika eto Alasora » hoy i Rado, mponina ao Alasora.

Tsara ihany koa raha manohana sy miara-miasa hatrany amin’ny mpitandro filaminana ny vahoaka ho entina hampandrosoana ny firenena. Efa misy ny ezaka ataon’ny mpitondra ny tanàna, ary arahina tohana avy amin’ny vahoaka izany. 

Nicole Rafalimananjara