La Réunion : Hihazo an’i Saint-Pierre indray ny Grande Roue
Tany am-piandohana dia napetraka tao Saint-Denis ny Grande Roue tao La Réunion. Tao anatin’ny fotoana maromaro dia nitety tanana samihafa tao an-toerana izany. Hihazo an’i Saint-Pierre indray io fialamboly io rehefa nandalo tao Saint-Paul sy Tampon.
Manomboka ny 6 janoary izao ny fanokafana io Grande Roue io ao Ravine Blanche Saint-Pierre ary hitoetra ao an-toerana hatramin’ny volana aprily izany alohan’ny hihazoana an’i Bras-Panon indray raha ny fanazavan’i Jérôme Abelard avy amin’ny Attraction Réunion.
Hitondrana ny «attraction » tao amin’ny renivohitra atsimo no tanjona napetraka tamin’ny fitondrana io Grande Roue io tao amin’ny nosy tamin’ny volana jolay 2021 hoy io tompon’andraikitra io ka tanteraka izany ankehitriny.
