Alasora: Mamaraparana ny asa fanitaran-dalana miakatra ao amin’ny kaominina

Ao anatin’ny famaraparana ny asa fanitaran-dalana, miakatra ao amin’ny kaominina Alasora, ireo tomponandraikitra amin’izao fotoana izao.

« Mamaraparana ny asa fanitaran-dalana miakatra eny amin’ny kaominina isika. Andiany voalohany izy io fa hitohy araka ny enti-manana eto am-pelatanana ny asa » hoy ny avy amin’ny kaominina Alasora.

« Efa ela no niandrasana ny asa fanitarana ity lalana ity.  Anisan’ny lalana tena  tery loatra kanefa be olona mivezivezy » hoy i Faniry, mponina ao Alasora.

Tena ilaina ny asa fanitaran-dalana tahaka izao. Ao anatin’ny fandrosoan’ny kaominina, dia miha mitombo ihany koa ireo fiara mifamezivezy ao an-toerana. Ilaina anefa ny fikojana sy ny fanaraha-maso ny lalana, indrindra ny eo amin’ny fivarinan’ny rano, ity farany izay tena antony manimba ny lalana.