Alasora : Efa manomboka ny « cours d’appui » ho an’ny mpanala ny fanadinana BEPC
Ny sabotsy 02 martsa teo no nanomboka ny fampianarana izay nokarakarain’ny kaominina Alasora ho an’ireo mpanala ny fanadinam-panjakana, ho an’ity taom-pianarana 20223-2024 ity. Ny mpanala ny fanadinana BEPC no nisantatra izany, araka ny voalaza.
« Manao ezaka hatrany ny kaominina amin’ny fanohanana sy fanatsarana ny voka-panadinana eto amin’ny ZAP Alasora. izany indrindra no hanolorana fampianarana maimaim-poana ho an’ny mpianatra. Ny tanjona dia ny fahombiazana ho an’ny taranaka » hoy ny avy tomponandraikitra avy amin’ny kaominina.
« Fotoana fanararaotana ny tahaka izao ho an’ny mpanala fanadinana. Amin’ny fampianarana tahaka izao no hanomezana izao teknika sy ny paik’ady enti-miatrika ny fanadinana, manampy ireo ratovina any an-tsekoly ka tsy tokony atao ambanin-javatra » hoy i Julie, mpampianatra.
Marihina fa ao amin’ny CEG Alasora ireo mpianatra hanala ny fanadinana BEPC no mianatra isaky ny sabotsy. Ao amin’ny Lycée TASC Alasora kosa ireo mpanala BACC sokajy A,C ,D,L,S,OSE
