Ambohimanambola : Mihotsaka ireo lalana noho ny andro ratsy
Misy lalana mihotsaka amin’izao fotoana ao amin’ny lalana mihazo ny fokontany Ambohipeno, kaominina Ambohimanambola. Ahiana hiteraka fahatapahan-dalana ao an-toerana izany, raha toa tsy misy ny fandraisana andraikitra, raha ny voalaza.
« Mila mandray fepetra mahakasika ity lalana ity ireo tomponandraikitra. Mety hihitatra ny fahavoazana, ary mety hampidi-doza ny mpampiasa lalana ihany koa raha tsy misy ny fanamboarana izany » hoy i Roger, mpampiasa ny lalana.
« Fotoana maha be ny fahasimbana eo amin’ny foto-drafitr’asa izao, indrindra ny lalana noho ny toetr’andro ratsy amin’izao fotoana. Tokony samy mailo sy mitandrina ny rehetra, fa indrindra hiara-hisalhy, hifanome tanana amin’ny fanamboarana izany » hoy i Léa, mponina ao Ambohimanambola.
Lalina tokoa raha ny fahasimbana eto amin’ity lalana ity no jerena. Mila fitandremana araka izany ny fampiasana ity lalana ity hisorohana ny loza samihafa mety hiseho.
