Avaradrano: Ny fandaharam-potoana ho an’ny tsena fitaovam-pianarana mora atolotry ny vehivavy MMM

Ao anatin’ny fotoana fanomanana ny fidiran’ny mpianatra ankehitriny ny ray amandrenin’ny mpianatra. Raha jerena ny vidin’ireo fitaovam-pianarana eny an-tsena, nahitana fiakarana izany mihoatra ny taon-dasa, izay mampitaraina ny ankamaroan’ny ray amandreny mampiana-janaka. Ho fanampiana ireo ray amandreny izany, dia nanomboka tamin’ny herinandro teo ny tsena VMMM Analamanga, araka ny voalaza.

“Tahaka ny efa fanao isan-taona dia manome fanohanana sy fanampiana hatrany ny ray amandrenin’ny ny fikambanana Vehivavy MMM, Malagasy Miara-Miainga, ka ho avy eny anivon’ny kaominina tsirairay eto amin’ny faritra Analamanga sy ny manodidina ny tsena fivarotana fitaovam-pianarana amin’ny vidiny mirary” hoy ireo tomponandraikitra avy amin’ny fikambanana.

“Tena mahavonjy amin’izao fotoan-tsarotra, mahalafo ny vidim-piainana izao ity tsena izay atolotry ny fikambanana ity. Hisaorana ny tomponandraikitra manolotra izany satria efa andrasan’ny mponina isan-taona izy io. Manamaivana ny vola mivoaka aminay ray amandreny amin’ny fidiran’ny mpianatra izao” hoy i Pauline, renim-pianakaviana.

Marihina moa fa efa nanomboka ny 12 Aogositra ity tsena VMMM Analamanga ity. Ho an’ny anio dia ny kaominina Manandriana, Ambohitrimanjaka ary Imerintsiatosika no hisitraka izany.

Manitra R.