Mayotte : Nodikain’ireo manam-pahefana sasantsany ny fanampahan-kevitry ny fitsarana

Mbola ivon’ny resaka rehetra ao Mayotte ny hetsika Wuambushu. Raha tsiahivina dia entina handravana ireo tanàna « bidonvilles » sy handroahana faobe ireo mpifindra-monina mitoetra tsy ara-dalàna ao Mayotte izany hetsika izany. Nandray fanampahan-kevitry ny fitsarana tao an-toerana fa tsy mbola hatomboka ny fandravana ireo tanàna noho ny loza mety haterak’izany amin’ireo trano fonenana manodidina.

Nodikain’ireo manam-pahefana sasantsany nefa io fampiantoana ny hetsika io. Trano tsy ara-dalàna maromaro no noravana tao Longoni. Trano « béton » 10 miorina amin’ny tanim-panjakana hatrany amin’ny taona 2010 tany izany raha ny fanazavan’ny préfet ao Mayotte, Thierry Suquet. Ahafahana manomboka fanamboarana toeram-pianarana ny fianjeran’ireo trano ireo raha ny fanamafisany.

Tsy nisy kosa ireo tompon’andraikitra tonga nanakana izany fandravana izany raha ny tatitra na eo aza ny didy nampiato izany.