Toe-karena : Mitotongana hatrany ny sandan’ny vola malagasy

Dépêche 08 février, 13h, Tao anatin’ny telo volana farany tamin’ny taona 2022 dia nitotongana hatrany ny sandan’ny MGA nanoloana ny USD sy ny EUR. Izany dia tsapa fa avy amin’ny fivoaran’ny USD sy ny EUR izay be mpampiasa eo amin’ny tsena iraisam-pirenena izay mbola mivoatra hatrany ao anatin’ny toe-javatra mbola manjavozavo. Nandritra ny taona dia nihena 5,8% ny Ariary raha oharina amin’ny euro (4 470,1 tamin’ny faran’ny Desambra 2021 sy 4 728,6 tamin’ny faran’ny Desambra 2022) ary nihena 12,8% raha oharina amin’ny dolara amerikana (3 956,7 tamin’ny faran’ny Desambra 2021 sy 2021). 4 462,0 tamin’ny faran’ny volana desambra 2022). Ny vahaolana naroson’ny mpahay toe-karena maro dia ny fanondranana betsaka no vahaolana amin’izany ary indrindra ahena ny fanafarana ireo vokatra izay hita fa mety vita eto Madagasikara.