Toliara : Hita ilay zaza menavava nisy nangalatra.

Dépêche 11 janvier, 13h, Raha tsiahivina dia nisy nagalatra tao amin’ny hopitaly tao Toliara ity zazalahy kely vao teraka ity. Vehivavy iray nisandoka ho mpampiteraka no voalaza fa nahavanona izany halatra izany. Vehivavy  iray  no hita  niaraka tamin’ilay zaza ary rehefa  nojeren’ny mpitsabo ny vatany  dia fantatra fa tsy olona avy niteraka ity vehivavy ity. Nosamborina avy hatrany ity farany. Notanana ihany  koa ilay mpampivelona tao amin’ilay toeram-pitsaboana izay niray tsikombakomba tamin’ity vehivavy ity nahafahana namoaka  ilay zaza tao amin’ny toeram-pitsaboana. Mbola mitohy hatrany kosa ny fandihadiana.