Orinasa Pharmalagasy : Misedra olana ireo mpiasa ka mitady fiaraha-miasa sy vahaolana
Efa nandritra ny fotoana naharitra izay no nisedra olana goavana ny ampiasan’ny Pharamalagasy amin’ny tsy fandraisan-karama. Mihena ny vokatra vokarina ary ireo vokatra niantombohan’ny orinasa dia tsy misy mpividy intsiony. Rrainy loatra izany satria ny covid-19 dia efa voafehy ary ny CVO+ io tsy misy mividy io intsony.
Manjary miara-miasa amin’ny orinasa maro ny Pharmalagasy ankehitriny noho ireo olana mianjady aminy ireo. Nampitombo sybnamokatra zava-baovao izy ireo ary miara-miasa amin’ny Centre national d’application de recherches pharmaceutiques (Cnarp) mandritra izany. « Tsy ampy ny vola miditra ka tsy voaloha ara-dalana ny karaman’ny mpiasa no antony hiarahana miasa amin’ity centre ity. Efa mitady vahaolana ny fitondram-panjakana fa mandritra izany anefa mila vola ireo mpisa satria mamelom-bady aman-janaka », hoy i Joël Désiré Rakotozanaka, Tale Jeneraly ao amin’ny Pharmalagasy. « Amiko aloha ny fahamailoana no tsy nisy satria nieritreritra ve izany izy ireo fa hanjaka mandrakizay eo ny covid-19 mba hisy hiveloman’izy ireo ? Tokony vao natsangana io dia efa hita hoe izao ihany koa no ho atao tohiny », hoy i Narisoa, naneho ny heviny tao amin’ny facebook.
Anisan’ny iaraha-miasa ihany koa ny orinasa Fitrama ary nanaitra ny sain’ny mpanara-baovao izany. Hevitra iray mety ihany koa anefa izany hahafahana mampitombo ny lazany sy mampiakatra ny vola miditra ao aminy ary mampiakatra ihany koa ny ekonomia Malagasy.
Miora Raharisolo
