Talata Volonondry : Miezaka mampilalao hatrany ny Kaominina
Nisy ny fampilalaovana ireo sokajy zokiny amin’ny taranja baolina kitra tao Talata Volonondry omaly. Ny avy ao amin’ny TMFT no nibata ny amboara tamin’izany.
« Isaorana ny ben’ny tanàna manome sehatra tsara anay efa zokiny itony amin’ny taranja baolina kitra. Fanatanjahan-tena tsy mifidy taona tokoa izy io » hoy i Albert, mponina ao Talata Volonondry. « Miezaka hatrany isika mampandroso ny tontolon’ny fanatanjahan-tena eto amintsika. Tsy ny tanora ihany no hotohanana fa eo ihany koa ny sokajin-taona rehetra » hoy ny ben’ny tanàna ao Talata Volonondry, Randrianirina Hobiherisaona.
Miezaka mampilalao hatrany ny mponina ao aminy ny kaominina Talata Volonondry. Hirariana hiroborobo hatrany ity taranja ity.
Nicole Rafalimananjara
