Kaominina Antananarivo Renivohitra : Nasiam-panavaozana ny fifamoivoizana
Foana ny tobim-piantsonan’ny fiara fitateram-bahoaka eo Ambohijatovo. Mivadika ao ambadiky ny fivarotam-boky izany. Efa misy ihany koa ny lamina hanalalahana ny »trottoir » manoloana ny »Super music » eo Analakely, ka voatery mihataka amin’ny mahazatra ny fiantsonan’ny fiara fitateram-bahoaka teo Analakely teo aloha.
Efa miroso amin’ny fanesorana ireo « ilot » tsy ampiasaina intsony ny fiadidiana ny kaominina, mba hampirindra tsara ny lalan-jotra vaovao eo Ambohijatovo sy Andohan’Analakely. Notsindrian’ny talen’ny fitaterana monisipaly an-drenivohotra, Ainanirina Albert Estel, fa mety hisy hatrany ny fiovana miandalana, hanatsarana ny fifamoivoizana.
Hasina Rasamimanana
