Fidiran’ireo mpanakanto amin’ny sehatry ny matihanina
Hiditra tsikelikely ao anatin’ny mahamatihanina ny mpanakanto atsy ho atsy, efa miroso amin’ny dingana famoronana ny satan’ny mpanakanto izy ireo amin’izao fotoana izao.
Ny avy ao amin’ny minisiteran’ny serasera sy ny kolontsaina no manampy bebe kokoa ny mpanakanto hiditra ao anatin’ity sehatra matihanina ity mba hisitrahan’izy ireo ny fanampiana maro isan-karazany amin’izay maha matihanina azy ireo izay indrindra. Ny fidirana ho mpanakanto ara-dalana koa dia tafiditra amin’ity fidirana ho matihanina ity izay ahazoan’izy ireo fiahiana ara-tsosialy toy ny CNaPS sy ny tariny. Efa nisy ny fihaonan’ny teo amin’ny minisitera mpiahy ny ao amin’ny CNaPS ny 10 aogositra lasa teo tetsy amin’ny tranombokim-pirenena Anosy.
Raha ny filazan’ny tao amin’ny minisitera, samy narisika amin’ity dingana ity avokoa ny rehetra amin’ny ankapobeany ary nilaza koa izy irei fa hisy sokajy telo izany araky ny zakan’ny tsirairay eo amin’ny lafin’ny latsakemboka. Ny teo anivon’ny CNaPS kosa nampahafantatra fa arakaraky ny vola miditra amin’ireo mpanakanto isan-taona ny hanasokajiana an’izy ireo anty sokajy sy ny fandraisan’anjaran’izy ireo ao amin’ity tahirim-bola ity ary hitovy amin’ireo mpandray vola isam-bolana noho izany ireo mpanakanto ireo. Ny fisian’ny fitsinjovana ny vody andro merika no tena namparisika ireto mpanakanto ireto hiditra amin’ny matihanina raha nanontaniana izy ireo.
Tsara tokoa ny fanampahan-kevitr’ireto mpanoratra hiditra amin’ny sehatry ny maha matihanina izao mba tena hisian’ny tena fangaharana eo amin’izy ireo sy hampivoatra ny vokatra atolotr’izy ireo ho an’ny mpanjifa. Ilaina ihany anefa ny fenitra eo amin’izy ireo mba tsy ho gamboraraka ny zavatra ataon’izy ireo fa mba ho tena kanto tokoa.
Anja Raharimalala
