Nahazo fitaovana ny CHUMET Tsaralalàna
Anisan’ny laharam- ny fanatsarana ny fahasalaman’ny reny sy ny zaza ary satria zo an’izy ireo feno izany. Manao tohi-vakana ireo mpiara-miombonantoka manome tanana amin’ny fanatanterahana izany raha ny eto Madagasikara hoy ny avy ao amin’ny Minisiteran’ny Fahasalamam-bahoaka. Anisan’izy ireny ny « rotary club international » izay nanolotra farafara sy « potence » miisa 60, concentrateur d’oxygène miisa 10, fandanjana, sns…izay mitentina Ar 255 tapitrisa ho an’ny CHUMET Tsaralalana ny talata 29 Jona lasa teo.
Ny Talen’ny Kabinetran’ny Ministeran’ny Fahasalamam-bahoaka, Pr Rakotomalala Dave Patrick, sy ny Talen’ny CHUMET Tsaralalana, Prof. Annick Robinson no nandray ara-pomba ofisialy ny fanolorana ireo fitaovana ireo tao amin’ny efitrano Pavillon 4 izay nametrahana ny santionan’ireo fitaovana. Nankasitraka izao fanampiana izao ny mpiasa rehetra tao amin’n CHUMET Tsaralalana satria mitsinjo ny fahasalamam-bahoaka hoy ny solontenan’izy ireo nandritra izany. Na izany aza anefa ilaina hatrany ho an’ireo izay mampiasa azy ireny hahay hikolo sy hikarakara ho an’ny tombotsoa iombonana.
Nicole Rafalimananjara
