France : Fandresena ho an’i Max Verstappen
Ny zavatra nataon’ny Mercedes tany Espagne ihany no naverin’ny Red Bull taminy omaly. Nosongonan’i Max Verstappen (Red Bull) talohakelin’ny nifaranan’ny lalao i Lewis Hamilton (Mercedes) tao amin’ny kianjan’ny Paul Ricard. I Sergio Perez (Red Bull) no fahatelo tamin’ny lalao omaly. Mitarika hatrany i Max Verstappen amin’ny fiadiana ho tompondaka eran-tany (isa 131). Faharoa i Lewis Hamilton (isa 119) ary fahatelo i Sergio Perez (isa 84).
