Bealanana : Tsy faly amin’ny Jirama ny mponina
Tsy mankasitraka ny fomba fiasan’ny Jirama ny mponina ao Bealanana. Hanatanteraka hetsika izy ireo androany.
« Midangana loatra ny vidin’ny herinaratra. Tofoka amin’ny fanararaotana ataon’izy ireo izahay eto Bealanana » hoy i Damasy, mponina ao Bealanana. « Manamafy hatrany ny fisian’ny hetsika izahay na dia mitady fitoniana aza ny Jirama. Manomboka eo amin’ny Parkazy ny hetsika ho atao » hoy ireo mpitarika ny hetsika. Niakatra an’onjam-peo tokoa ny lehiben’ny Distrika sy ny lehiben’ny Jirama nanazava ny toe-draharaha sy ny fisian’ny fitoniana ny 1 Martsa teo.
Betsaka tokoa ny fitarainana avy amin’ny toerana samihafa mikasika ny asan’ny Jirama. Mitaky vahaolana maharitra ny mponinha satria tena ilaina amin’ny fiainana ny herinaratra.
Nicole Rafalimananjara
