🔷 Institut ISS – Torohevitra sy Fanohanana Ara-stratejika

Ny Institut International des Sciences Sociales (ISS), fantatra amin’ny fahaiza-manana sy traikefa amin’ny fanabeazana ambony sy fanofanana ara-matihanina, dia manolotra ihany koa tolotra torohevitra sy fanohanana ara-stratejika ho an’ny orinasa, andrim-panjakana, fikambanana, TPE, PME ary indrindra ho an’ireo mpitondra tetikasa.

Ao anatin’ny tanjona hanamafisana ny rafitra, hanajana ny lalàna ary hampiakarana ny kalitao, dia natambatra sy nampidirina tanteraka tao anatin’ny Institut ISS ny asa torohevitra sy fanohanana izay notanterahin’ny E-mahagaga teo aloha.

Ireo asa ireo dia voasoratra ara-dalàna sy tafiditra ao anatin’ny kara-pandoavan-ketra an’ny Institut ISS, ka manome antoka ny ara-dalàna, ny mangarahara ary ny fahamendrehana ara-andrim-panjakana.

• Torohevitra momba ny fitantanana sy fitarihana orinasa
  Fanadihadiana ny rafitra anatiny, fanamafisana ny fizotry ny asa, fanatsarana ny vokatra ary fanohanana amin’ny fanapahan-kevitra.
• Fanohanana ara-stratejika sy ara-fampiharana
  Fanampiana amin’ny famolavolana paikady, fanatanterahana eny an-tsehatra, fanaraha-maso sy fanombanana ny vokatra azo.
• Fanorenana rafitra ara-pitantanana, ara-bola ary ara-ketra
  Fanitsiana sy fanavaozana ny fomba fiasa, fanajana ny lalàna manan-kery, fanohanana amin’ny fanarahan-dalàna sy fiarovana ny asa.
• Fanohanana ny tetikasa sy ny fandraharahana
  Fandalinana ny fahafaha-tanteraka, fananganana tetikasa, fanohanana amin’ny famoronana, fampandrosoana ary fitohizan’ny asa.
• Fanohanana ara-andrim-panjakana sy ara-matihanina
  Fanampiana ara-teknika, fanamafisana fahaiza-manao, fanohanana ny fikambanana sy andrim-panjakana miankina na tsy miankina.

• Fomba fiasa mifototra amin’ny fahamatorana ara-akademika sy traikefa eny an-kianja
• Metodolojia voarindra, mifantoka amin’ny vokatra sy ny faharetana
• Fahalalana lalina ny toe-draharaha ara-toekarena sy ara-lalàna eto an-toerana
• Rafitra ara-dalàna mazava, manaja tanteraka ny fepetra ara-administratif sy ara-ketra