Anosy Avaratra: Maty noho ny fanasarahana ny adin’izy efa-dahy ilay raim-pianakaviana

Trangam-piaraha-monina niseho tao Lazaina, kaominina Anosy Avaratra, ny faran’ny herinandro teo. Raim-pianakaviana iray no namoy ny ainy noho ny dona nahazo azy teo am-panasarahana ny ady teo amin’ireo zanany efa-dahy.

« Tovolahy miisa efatra no niady nifandramatra noho ny disadisam-piarahamonina niseho tamin’ny sabotsy 25 may teo. Nahita io ady sy savorovoro io ny rain’ny iray tamin’ireo efa-dahy ka nirotsaka nanasaraka azy ireo  » hoy ny avy amin’ny zandarimaria.

« Niantefa teny amin’ny lohan’ity raim-pianakaviana ity avy hatrany ny totohondry ka niakarapoka avy hatrany tamin’ny tany izy ka nitarika tamin’ny fahafatesany. Araka ny fizahana nataon’ny dokotera dia traumatisme crânien no niteraka ny fahafatesany » hoy hatrany ny fanazavana.

Raha ny vaovao farany momba azy efa-dahy ireo dia notazonina natao famotorana tao amin’ny brigadin’i Sabotsy Namehana izy ireo.