Israel :Ny fantatra momba ny fifanarahana Israel-Hamas momba ny fampitsaharana sy ny famotsorana ireo takalon’aina
Nanome jiro maitso ny governemanta Israeliana tamin’ny Alarobia 22 Novambra, mba hisian’ny fifanarahana mikendry ny hamotsorana ireo takalon’aina 50 notazonin’ny Hamas ho takalon’ny voafonja Palestiniana sy ny fampitsaharana ny 4 andro ao amin’ny Lemak’i Gaza.
Araka ny filazan’ny manampahefana Israeliana, olona maherin’ny 200 no naka an-keriny ny Hamas nandritra ny fanafihana tamin’ny 7 Oktobra tany amin’ny faritra atsimon’i Israely, izay nahafaty olona 1.200 ary niteraka valinteny mahafaty avy amin’ny tafika Israeliana tao Gaza.
