Inona ny antony manosika ny tanora hifoka sigara?

Ny fifohana sigara dia fihetsika hita matetika eo amin’ny tanora satria izy ireo no tena marefo, na lahy na vavy. Tsy misy antony lehibe na tokana mahatonga izany, ny antony dia mety ho samy hafa ho an’ny olona mifoka sigara.

Manomboka mifoka sigara ny tanora indraindray rehefa tonga eo amin’ny enina ambin’ny folo taona eo. Matetika, ny fitaoman’ny manodidina azy no manosika azy ireo hanao izany, ohatra mba hifanaraka amin’ny vondron’ny namana, na satria ny ray aman-dreniny no manao izany, na mety noho ny fahalianana ihany koa. Maro no mahatsapa ho voatery manao izany rehefa manao izany ny namany, mba tsy hahatsiaro ho hafa na ho voailika satria tsy mitovy amin’izy ireo. Amin’ny toe-javatra sasany, dia manomboka mifoka sigara ny tanora rehefa mahita ny ray aman-dreniny manao izany. Saika lasa vakoka ho an’ny fianakaviana izany satria heverin’ny tanora ho modely ny ray aman-dreny ka mety hanara-dia azy amin’izany.

Matetika, ny fahalianana no mitarika ny tanora hanandrana sigara. Noho izany dia misy vokatra roa mety hitranga. Na tian’ilay tanora ny fihetseham-po omeny azy satria mahafinaritra, na ny mifanohitra amin’izany no mitranga. Ankoatra izay dia akora mora azo vidiana ka tsotra ho an’ny tanora no mahazo azy.

Ny dokam-barotra momba ireo vokatra ireo dia anisan’ny tompon’andraikitra amin’ny tanora mifoka sigara. Voataonan’ny hafatra tsikariny izy ireo satria ny ankamaroan’ny fotoana dia misy ifandraisany amin’ny toetra toa tony sy mahafinaritra ny fifohana sigara. Izany dia miteraka finoana eo amin’ny tanora fa ny sigara dia afaka manampy azy ireo hifehy ny adin-tsainy, ny tebiteby na ny fihetseham-po sarotra hafa.

Tsy maintsy mampahafantatra ny tanora ny fihanaky ny aretina sy ny homamiadana sasany ateraky ny fifohana sigara. Na dia misy aza ny fampitandremana amin’ny fonosan-tsigara dia tsy ampy hanakanana ny tanora tsy hanao izany. Aleo kokoa ny manao fanentanana mba hanatrarana ny tanora. 

RépondreTransférer