Torohevitra : Ireo tombotsoa tsara ho fantatra entin’ny ravintsara   

Ankoatra ny ody sery sy ny kohaka, ny fanaovana evoka isan-karazany dia mbola maro be ireo tsara ho fantatra mahakasika ny ravintsara. Manana singa isan-karazany enti-miady amin’ireo mikraoba amin’ny vatana izy, ary manala ireo menaka ratsy na singa ratsy mahatonga aretina any anaty.

Miady amin’ny mikraoba ny ravintsara. Mampatanjaka ny hery fiarovana ary anisan’ny zava-maniry manan-karena « antioxydant » indrindra. Ankoatra izay, azo hitsaboana fery ihany koa, manasitrana aretin-kibo ary manampy amin’ny fandevonan-kanina.

Tsara araka izany ny misotro azy matetika, indrindra amin’izao vanim-potoana miditra amin’ny rininina izao satria manampy ny vatana hamokatra hery fiarovana ity zava-maniry ity ary misoroka aretina maro.

Manitra R.