Fiainam-pirenena: Lany nasiam-panitsiana ny tetibolam-panjakana 2023.

Rehefa lany teo anivon’ny Solom-bavam-bahoaka ny teti-bolam-panjakana dia noentina teo anatrehan’ny Loholona indray ka lany izany saingy nasiam-panitsiana kosa ireo teboka sasantsany. Notsindrian’izy ireo manokana ny mahakasika ny solika sy izay rhetra mifandray amin’izany. Nampiakarina ho 20% ny haba ho alaina amin’ireo mpanafatra solika raha 15% izany no voasoratra ao.

“Tokony ho 20% no haba ho alaina amin’ny mpandraharaha solika eto Madagasikara araka ny tapaka tao amin’ny fivoriana na dia 15% aza no nisoratra tao amin’ity teti-bola ity. Hajanona amin’io anefa izy ny enim-bolana voalohany amin’ny 2023 fa kosa tokony ho izay 20% izay kosa ny amin’ny enim-bolana faharoa”, hoy ny Solontena avy ao amin’ny Antenimieran-doholona.

“Tsy misy fiantraikany amin’ny vidin-tsolika anefa ny fampiakarana izany raha ampiharina. Ny tena anton’izany fampiakarana izany moa dia mba hialana amin’ny famenoan’ny fanjakana ny fahabangana 5% amin’ny kompanian-tsolika”, hoy kosa ny Minisitry ny Toekarena tamin’ny fanazavany.

Ankoatra izany vidin-tsolika sy ny manodidina ny solika izany dia voaresaka tao ihany koa ny haban’ny famoaham-bokatra izay tokony hoferana ho 15% ankoatra ny vato sarobidy. Noresahana ary somary naandaniana fotoana ela ihany koa ny mahaaksika ny orinasam-panjalana Jirama. Tsy tokony hamidy amin’ny alalan’ny « émission de bon de trésor » intsony ny trosan’ny JIRAMA fa tokony vidian’ny fanjakana mivantana. Nambaran’ny loholona tamin’ny fanitsiana fa omena alalana ao amin’ny andininy faha 20 ny fanjakana hividy izany trosan’izy ireo izany.

Miora Raharisolo 

RépondreTransférer