Japon : Valan-javaboahary manan-tantara ao Tokyo i Kitanomaru
Valan-javaboaharim-panjakana mifanila amin’ny Lapa imperialin’i Tokyo i Kitanomaru. Ao amin’ny boriboritanin’i Chiyoda, ao Japon no misy.
Toerana masina natao ho an’i Tsukudo, andriamanitra mpiaro ny faritr’i Kantō io toerana tany am-piandohana. Rehefa tonga teo amin’ny fitondrana kosa nefa Tokugawa Ieyasu dia natao toeram-ponenan’ny governora Naitō Kiyonar ny toerana ary nifandimbiasana governora samihafa izany.
Karazana manam-pahefana sy toby maro kosa no nifandimby tao an-toerana talohan’ny nanavaozana azy ho faritra maitson’ny Lapa imperialy taorian’ny ady lehibe faharoa tamin’ny taona 1946. Manoloana izany dia trano maro toy ny an’ireo mpiambina imperialy no noravana.
