Ambohimanga Rova : Hisy ny fitsidihana ny tanàna miaraka amin’ny Ortana
Misy ny hetsika karakarain’ny Ortana sy ny kaominina Ambohimanga Rova, « Andao hizaha an’Ambohimanga ». Ny 24 sy 25 Jona no hanaovana izany.
« Hitsidika ireo toerana manan-tantara ao Ambohimanga isika. Tanàna maro no ho hitantsika ao anatin’ny fotoana fohy. Maimaimpoana ny hetsika » hoy ny avy ao amin’ny Ortana. « Toerana manana ny hasiny i Ambohimanga. Harena be ho an’i Madagasikara noho izy mbola azo hitarafana ny kolontsaina fahiny » hoy i Rado, mpahay tantara.
Ny lalana hotsidihina voalohany dia any Mangabe, ny faharoa kosa Ambatondradama ary ny fahatelo any Ankazomalaza. Tsara raha misoratra anarana mialoha izay maniry handeha.
Nicole Rafalimananjara
