Ambohimalaza: Misy ny fampianarana ny taranja « tennis »

Misy ny fampianarana « tennis » ao Ambohimalaza. Misy fampianarana ho an’ireo vao manomboka mihitsy, misy koa ho an’ireo efa mahay fa te hanao fanazaran-tena fotsiny ihany.

Efa manomboka miditra tsikelikely ao Ambohimalaza ireo karazana fanatanjahantena. « Ety amin’ny kianjan’i Sekoly Vinet no hianarana ny tennis. Mety ho an’ny sokajin-taona rehetra na ireo mbola tsy mahay mihitsy aza. Efa misy ny fitaovana rehetra ilaina amin’izany ihany koa aty » hoy ny mpampianatra tennis. « Tena mahafinaritra ny tahaka izao. Mampivoatra hatrany ny tanora. Betsaka mantsy ny tanora te hilalao saingy tsy misy ny sehatra hilalaovany » hoy i Andry, mponina ao Ambohimalaza.

Azo atao tsara ny miditra ho mpikambana ao amin’ity ekipa mpilalao tennis ao Ambohimalaza ity. Mirary rahateo ny sarany ho an’ireo te handalina izany manokana.

Nicole Rafalimananjara