Espagne : Jiolahy nitsoaka, hita tamin’ny Google Maps
Anisan’ireo lehiben’ny « mafia » mahery vaika tao Sicile i Gioacchino Gammino, mpikambana ao amin’ny vondrona mampihorohoro « Cosa ». Roapolo taona no nikarohana azy, ary tratran’ny polisin’I Italie tamin’ny alalan’ny « Google Maps » ny 6 janoray teo izy.Niafina tao Espagne ity lehilahy ity, 4 kilometatra niala an’i Madrid no nisy azy. Nanokatra toeram-pisakafoana sy toeram-pivarotana legioma sy voankazo ny tenany. Tsara fiafenana izy, hoy ireo manam-pahefana hatramin’ny nandalovan’ny fiaran’i Google teo aminy, haka sary ho an’ny Google Maps. Azo sary tamin’izany ny tarehin’ity lehilahy ity ka tonga nisambotra azy avy hatrany ireo mpitandro ny filaminana.
