France : Nanambara i Jean Castex fa hampitsahatra ny fanavaozana

Nanambara i Jean Castex ny 6 jolay teo fa ireo mpanatanteraka izay tsy mitovy hevitra amin’ny antenimieran-doholona dia hampitsahatra ny fizotry ny fanavaozana ny lalàm-panorenana eo amin’ny toetrandro. Emmanuel Macron anefa naniry ny hanao fitsapan-kevi-bahoaka taorian’ny fanarahana ny tolo-kevitry ny fivoriamben’ny olom-pirenena ho an’ny toetrandro.Ny Antenimieran-doholona kosa, izay avy amin’ny vondrona ankavanana ny ankamaroany, dia nanohitra ary nanangana hafa ny alatsinainy teo izay tsy mitovy amin’io fampidirana ny lalàm-panorenana amin’io fitandrovana ny tontolo iainana nofidian’ny antenimiera sy notohanan’ny governemanta io. »Raha jerena ny andininy 89 ao amin’ny lalàm-panorenantsika, ity fifidiana ity dia indrisy fa mampitsahatra ny fizotran’ny fanavaozana ny lalàm-panorenana izay inoantsika fa tena ilain’ny firenentsika », hoy ny alahelon’ny praiminisitra.