Grande-Bretagne : Mpifindra monina maro no navotana tao amin’ny Manche
Miisa 106 ireo mpifindra monina navotan’ny manam-pahefana frantsay ny alakamisy 20 mey lasa teo. Nikasa niampita ny Manche ireto mifindra monina ireto ary ho any amin’ny morontsirak’i Angletera tamin’ny sambo telo. Tamin’ny 2 ora maraina tany ho any no niditra an-tsehatra ireo mpamonjy voina tany Dunkerke, toerana izay nahita olona 36 sahirana teny amin’ny sambo. Ny alina kosa no naka sambo miisa 21 ny fikambanana mpomonjy voina an-dranomasina, alohan’ny nametrahana azy ireo tao amin’ny seranan’i Dunkerke. Akoatra izay, nanampy olona vaky sambo nitondra mpifindra monina 49 izy ireo. Nentina niverina tany Calais izy rehetra, ary samy salama tsara.
