Vondrona Afrikanina : Hampaharitra ny aretina ny fitarazohan’ny fanaovam-baksiny

Tanterahina ny alatsinainy sy ny talata, 12 ka hatramin’ny 13 aprily lasa teo ny fivorian’ny vondrona afrikanina, amin’ny alalan’ny “visioconférence” izay handraisan’ny mpikambana rehetra anjara. Nandritra izany no niresahana ny momban’ny vaksiny amin’ny coronavirus manerana ny faritra afrikanina. Mety hitarazoka ela manerana ny kaontinanta afrikanina ny aretina raha toa ka mitarazoka ny fanaovam-baksiny hoy ny tompon’andraikitra. Tanjon’ny fikambanana iraisam-pirenena momban’ny fahasalamana na ny OMS ihany koa ny hanao vaksiny manerana ny firenena afrikanina, ka ny 30% amin’ny mponina isaky ny firenena no kendrena amin’izany. Efa maherin’ny 4 tapitr’isa mantsy ny isan’ny olona mitondra ny tsimok’aretina. Izay mbola vitsy ihany raha oharina amin’ny kaontinanta hafa, io antony io ihany koa no mbola mampitarazoka ny fanaovambaksiny, hoy ny hatrany ny vondrona afrikanina. Saingy ahiana anefa ny mety hiakaran’io tahan’ny olona mitondra ny tsimokaretina io ka mila hampitombohana haingana ny fanafarana sy ny fanamboarana vaksiny.