Handray anjara amin’ny fihaonamben’ny mpandraharaha miteny Frantsay i Madagasikara
Hotontosaina ny 24 hatramin’ny 27 aogositra ho avy izao ny fihaonamben’ny mpandraharaha miteny frantsay ho amin’ity taona 2021 ity any amin’ny « hippodrome de Longchamp » any Paris.
Handray anjara amin’ny ady hevitra ho atao ny 25 aogositra izao i Thierry Rajaona, filohan’ny Groupement des entreprises de Madagascar na ny GEM. Manodidina ny fitantanana ny toe-karenan’ireo firenena miteny frantsay ny lohahevitra amin’izany. « i Rajaona Thierry no hitarika ny delegasiona malagasy amin’io hetsika fanao isan-taona io » hoy ny avy ao amin’ny « Mouvement des entreprises de France » na ny MEDEF. « Handeha hanatrika izany ihany koa i Rakotoarisoa Hery Lanto izay filohan’ny « Groupement des entreprises franches et partenaires na » ny GEFP, sy i Andriantefihasina Harry, filohan’ny sendikan’ny mpandraharaha ny trano sy ny asa vaventy eo ihany koa i Amiraly Hassim, filohann’y sendikan’ny indostria eto Madagasikara » hoy i Rajaona Thierry. « Fifampizarana traikefa amin’ny any ivelany izao ka mila entina eto izay azo hamapndrosoana ny firenena » hoy i Naly, tanora mpandraharaha eto an-toerana. Marihina fa nasaina hanatrika ity hetsika ity ihany koa ny filoham-pirenena Rajoelina Andry.
Irariana mba hisy fiatraikany eo amin’ny fandraharana malagasy tokoa izao hetsika izao. Ny fandraharahana izay manomboka mivelatra eto amintsika ary tsy vitsy ireo mpisehatra amin’izany.
Nicole Rafalimananjara
