Philippines : Olona maherin’ny enina no maty vokatry ny fihotsahan-tany

Olona maherin’ny enina no namoy ny ainy, ary 31 ireo naratra mafy vokatry ny fihotsahan-tany tany akaikin’ny toerana fitandrahana vato, tany amin’ny faritry Davao, any atsimon’i Philippines. Ankoatra ireo mbola am-polony maro ihany koa ireo tsy hita popoka ary fiara mpitondra mpiasa mankao amin’izany toeram-pitandrandrahana izany, miisa roa, no tototry ny tany, vokatr’izany loza izany hatrany. Ny talata teono nisehoan’ity loza ity tany an-toerana. Nitondra olona miisa 28 ireo fiara ireo. Ny valo tamin’ireo mpiasa tao anatiny no tafavoaka saingy nalentiky ny fotaka ihany. Mbola mitohy hatrany ny fikarohana ireo olona tavela ao anatin’ny tany hatramin’ny omaly. Raha ny horonantsary hiota avy eny ambony, tanàna iray no lasibatr’ity fihotsahana ity,trano maro no rava araka izany. Araka ny nambaran’ireo tomponandraikitra any an-toerana, matetika loatra ny fisian’ny fihotsahan-tany any amin’io faritra io, noho izy toerana maro tendrombohitra, ary anisan’ny mahatonga izany ny fisian’ireo orinasa mpitrandraka any an-toerana.