Ny foko Antandroy
Vondrom-poko ao amin’ ny faritra atsimo indrindra eto Madagasikara ny Antandroy na Tandroy na Ntandroy. Monina eo anelanelan’ ny ony Menarandra ao andrefana sy Mandrare ao atsinanana ary ny havoana Vohimainty ao avaratra. Any amin’ ny Faritra Androy no misy azy.
Ireto ny tanàna lehibe any: Ambovombe sy Beloha ary Tsihombe. Tanàna antandroy koa i Bekily.
Tamin’ny taona 2013 dia niisa 600 000 izy ireo. Ny Antandroy no foko fahadimy raha ny mponina no heverina.Mpiompy omby ny akamaroany mponina Antandroy, ompiana koa ny osy aman’ondry.
Avy amin’ny anaran’ny zavamaniry atao hoe « roy » ny anaran’io foko io.
Malaza amin’ny fahaiza manao sikidy sy fanamboarana volafotsy ihany koa ny olona avy any.
Na dia manana kolontsaina iraisana amin’ny foko hafa eto Madagasikara aza ny Tandroy, toy ny fanajana ny razana sy ny fiteny iraisana ary ny isan-karazany sarotra, ary misy fomba fanao mampiavaka azy.
Malaza manokana amin’ny dihy, ny akanjo vita amin’ny landihazo, ny fasana voaravaka, ary ny fampiasana ny hazo fisaka amin’ny fanadiovana ny tranony. Sakafo fihinany ny vodin-javamaniry ny oviala na koa ampemba. Ny fiompiana omby no asa fivelomana lehibe indrindra ataon’ny Tandroy, ary ny fasan’izy ireo dia voaravaka karandohan’ny maro be ho famantarana ny fananan-karena ilay maty.
