Azerbaidjan : I Max Verstappen no nibata ny fandresena
20 segondra no elanelana teo amin’i Max Verstappen (Red Bull) sy i Sergio Perez (Red Bull, faharoa) tamin’ny lalao omaly notanterahina tao amin’ny kianjan’i Baku, eo amin’ny taranja Formule 1. I George Russell (Mercedes) no fahatelo. Mbola i Max Verstappen hatrany no mitana ny laharana voalohany eo amin’ny fiadiana ho tompon-daka eran-tany (isa 150). Niakatra ho faharoa kosa i Sergio Perez (isa 129), naka ny toeran’i Charles Leclerc (Ferrari, isa 116), nitsoaka an-daharana omaly noho ny olana teknika.
Any Canada no hotanterahina ny lalao manaraka, amin’ny alahady.
